Wat mécht eigentlech den Tim Giver?

Nächste Spiller an der Rubrik “Wat mécht eigentlech …?“ ass den Tim Giver, deen ënner anerem vill Joren zu Hiefenech an Ettelbréck aktiv war.

Wéi eng Roll spillt de Basket momentan an dengem Liewen? Wéi stark bass du nach an der Basketszen aktiv?
Basket wäert ëmmer eng grouss Roll an mengem Liewen spillen, mee natierlech sinn ech elo manner engagéiert wéi dat an der Zäit war.

GEES DU REEGELMEISSEG MATCHER HEI AM LAND KUKEN? WA JO, WOUHIN AN WIE ENG EKIPPEN?
Reegelméisseg verbréngen ech d’Weekender net an der Hal. Wann ech awer Zäit fannen, dann ginn ech Hiefenech & Ettelbréck ënnerstëtzen.

Verfollegs du och internationale Basket? Wann jo, wei eng Ligen an wéi intensiv?
Wéi déi meecht kucken ech gären NBA an och College Basket. Mam NBA League Pass ass dat eng formidabel Saach dass een sech d‘‘Matcher spéider am Replay ukucken kann.

Hues du een oder e puer Momenter aus denger Karriär, déi dir besonnesch an Erënnerung sinn an bleiwen?
1998 Coupe mat Hiefenech. Alles jonken Kärel mat mengen Idoler (Rowlinson, Hetto, Colbach) aus der Kandheet een Titel konnten ze féieren An och den Coupe Gewënn 2008 mat Ettelbréck, deemools haten mir eng top Equipe an eng super Ambiance.

Wéieng letzebuerger Spiller waren déi bescht géint deis du an deenen 20 Joer gespillt hues?
Oh méi do gëtt eng Rëtsch an déi sinn och schonn öfters virdrun ernimmt gi wéi Delgado N, Diederich K, Adam B, Schumacher T, Ziai S, Feyder M, asw. Sorry fir déi déi ech lo net ernimmt hunn! ?