D'FLBB muss Iech leider matdeelen, dass déi 3ten Editioun vun den 3×3 Luxembourg Championships aus techneschen Grënn net den 10. Juni kann ausgedroen gin. Et ass awer schons en Alternativdatum festgeluecht gin, an zwar Samsdeg, den 8. Juli.
D'Umeldungen bleiwen bestoen an d'Aschreiwungen gin bis op den 30. Juni 2017 verlängert.
Wann deen neien Datum den schon ageschriwwenen Equippen net sollt passen kréien sie selbstverständlech hier Souen zréck.
D'3×3 Luxembourg Championships fannen op der Place de l’Académie ze Esch um Belval statt. Wei och déi lescht 2 Joer gëtt de Landesmeeschter am 3×3 an den ënnerschiddlechen Kategorien gesicht.
Eng Neiegkeet gëtt et wat d’Kategorien ubelaangt. Bei den Erwuessenen gëtt et eng nei Kategorie “Open Mixtes” wou pro Mannschaft 2 Spillerinnen a 2 Spiller ugemellt musse sinn.
Bei den Umeldungen ënner 18 Joer, kenn Dir och op der Platz d’Ënnerschrëften noreechen.
Motivéiert a Loscht op e flotte Basketball Dag? Dann mellt är Ekipp elo un.
Informatiounen iwwer d’Alterskategorien a weider Detailer fannt Dir um Umeldungsformular.
«
